*विकास प्रबोधिनी* या रजिस्टर्ड संस्थेच्या विद्यमाने थोर विचारवंत व कृतीशील साहित्यिक आदरणीय शिवा इंगोले सर यांच्या सन्माननीय अध्यक्षतेखाली ७ व्या आंबेडकरी साहित्यसंमेलनाचे भव्य आयोजन करण्यात येत आहे. त्या प्रित्यर्थ आज दिनांक - ०६.१२.२०२० रोजी उल्हासनगर येथे आयोजित बैठकीमध्ये महापरिनिर्वाण दिनाचे औचित्य साधून डॉ बाबा साहेब आंबेडकरांना अभिवादन करण्यात आले तसेच प्रस्तावित साहित्य सम्मेलनाचे सन्माननीय अध्यक्ष आदरणीय शिवा इंगोले सर यांच्या अभिनंदनाचा कार्यक्रम पार पडला. या निमित्त राम साबळे, शिवा इंगोले, श्रीकृष्ण टोबरे एस एस ससाने, रोहित साळवे आदी सम्मेलन समितीच्या पदाधिकाऱ्यासह अनेक मान्यवर सदस्य उपस्थित होते. सदर कार्यक्रमाचे प्रास्ताविक श्रीकृष्ण टोबरे, अध्यक्ष विकास प्रबोधिनी यांनी केले. प्रस्तावित ७व्या साहित्य संमेलनाचे अध्यक्ष शिवा इंगोले यांच्या अभिनंदनाचा प्रस्ताव पारित होऊन, उपस्थितांनी शिवा इंगोले यांना शुभेच्छा दिल्या.ह्या कार्यक्रमाचे सूत्र संचालन संजय वाघमारे यांनी केले व आभार प्रदर्शन अनिल भालेराव यांनी केले.