जनहित'न्यूज महाराष्ट्रच्या ठाणे जिल्हा क्राईम रिपोर्टर पदी मच्छिंद्र मोरे यांची नियुक्ती

*जनहित'न्यूज महाराष्ट्रच्या ठाणे जिल्हा क्राईम रिपोर्टर पदी मच्छिंद्र मोरे यांची नियुक्ती* 

​ *ठाणे (प्रतिनिधी आबासाहेब साठे )* 

राज्यात आपल्या परखड पत्रकारितेमुळे अल्पावधीत लोकप्रिय ठरलेले 'जनहित न्यूज महाराष्ट्र' आणि 'साप्ताहिक बातमी जनहित' या वृत्तसमूहाचा विस्तार आता अधिक जोमाने होत आहे. जनहित कार्याचा आणि अन्यायाविरुद्धचा आवाज तळागाळातील नागरिकांपर्यंत पोहोचवण्यासाठी, जनहित न्यूज महाराष्ट्र चॅनल मध्ये ठाणे जिल्हा क्राईम रिपोर्टर म्हणून मच्छिंद्र विक्रम मोरे यांची नुकतीच नियुक्ती करण्यात आली आहे.

​ *मान्यवरांची उपस्थिती:* 

या विशेष नियुक्ती प्रसंगी जनहित न्यूज महाराष्ट्र व'बातमी जनहित'चे संपादक व अध्यक्ष श्री. हरी चंदर आल्हाट यांच्या हस्ते नियुक्ती पत्र देऊन मोरे यांचा गौरव करण्यात आला. यावेळी कार्यकारी संपादक विनोद तायडे, प्रतिनिधी आबासाहेब साठे यांच्यासह जनहित परिवारातील सदस्य आणि हितचिंतक मोठ्या संख्येने उपस्थित होते.

​मच्छिंद्र मोरे यांच्या नियुक्तीमुळे ठाणे जिल्ह्यात गुन्हेगारी क्षेत्रातील बातम्यांना वाचा फोडण्यास आणि सर्वसामान्यांना न्याय मिळवून देण्यास मदत होईल, असा विश्वास संपादक हरी चंदर आल्हाट यांनी यावेळी व्यक्त केला. मोरे यांच्या या निवडीबद्दल त्यांचे सर्व स्तरातून अभिनंदन होत आहे.