उल्हासनगर तहसील कार्यालयामार्फत 'महाराजस्व समाधान शिबिर' उत्साहात संपन्न*

*उल्हासनगर तहसील कार्यालयामार्फत 'महाराजस्व समाधान शिबिर' उत्साहात संपन्न* 

​एकाच छताखाली विविध शासकीय दाखले व सेवांचे वाटप; नागरिकांचा उत्स्फूर्त प्रतिसाद

​ *उल्हासनगर:* महाराष्ट्र शासनाच्या मार्गदर्शनाखाली, उल्हासनगर तहसील कार्यालयाच्या वतीने 'छत्रपती शिवाजी महाराज महाराजस्व समाधान शिबिर' अभियानाचे शनिवारी, ७ मार्च २०२६ रोजी यशस्वी आयोजन करण्यात आले. नागरिकांना एकाच छताखाली विविध शासकीय सेवा आणि दाखले विनाविलंब उपलब्ध करून देणे, हा या शिबिराचा

*मुख्य उद्देश होता.* 

​तहसीलदार कार्यालयातील कॅम्प नंबर ५ येथे सकाळी ११ ते दुपारी ३ या वेळेत हे शिबिर पार पडले. तहसीलदार कल्याणी कदम यांच्या प्रमुख उपस्थितीत आणि मार्गदर्शनाखाली या विशेष मोहिमेचे आयोजन करण्यात आले होते. यावेळी मोठ्या संख्येने उपस्थित असलेल्या नागरिकांना विविध शासकीय दाखल्यांचे जागेवरच वाटप करण्यात आले.

​ *विविध सेवांचा लाभ* 

​या शिबिरात नागरिकांच्या सुविधेसाठी विविध कक्षांची स्थापना करण्यात आली होती, ज्यामध्ये खालील सेवा पुरवण्यात आल्या:

​ *महसूल दाखले:* उत्पन्न दाखला, अधिवास (डोमिसाईल), राष्ट्रीयत्व दाखला आणि रहिवास दाखला.

​ *ओळखपत्र सेवा:* आधार कार्ड दुरुस्ती व नोंदणी, नवीन मतदार नोंदणी आणि निवडणूक ओळखपत्र.

​ *शासकीय योजना:* संजय गांधी निराधार योजना, लेक लाडकी योजना, मुख्यमंत्री माझी लाडकी बहीण योजना आणि आयुष्मान भारत कार्डासाठी विशेष मार्गदर्शन व नोंदणी करण्यात आली.

​ *नागरी सुविधा:* नवीन रेशनकार्ड, नवीन नळ जोडणी, नवीन विद्युत जोडणी यांसारख्या अर्जांची प्रक्रिया पूर्ण करण्यात आली.

​महसूल सेवा: ७/१२ अभिलेख दुरुस्तीसाठी स्वतंत्र 'हेल्प डेस्क'द्वारे शेतकऱ्यांना व नागरिकांना मार्गदर्शन करण्यात आले.

​या शिबिरामुळे नागरिकांना विविध शासकीय कार्यालयांत फेऱ्या मारण्यापासून मुक्ती मिळाली. विशेषतः ज्येष्ठ नागरिक आणि महिलांनी या मोहिमेचा मोठ्या प्रमाणावर लाभ घेतला. "शासकीय सेवा थेट जनतेच्या दारी पोहचवण्याच्या या उपक्रमामुळे नागरिकांचा वेळ आणि पैसा वाचला असून, प्रशासनाप्रती विश्वास वाढला आहे," अशा भावना यावेळी उपस्थितांनी व्यक्त केल्या.

​कार्यक्रमाच्या यशस्वीतेसाठी तहसील कार्यालयातील सर्व अधिकारी व कर्मचाऱ्यांनी विशेष परिश्रम घेतले.