कालकथित सावित्रीबाई दामू सुरवाडे यांचा उद्या प्रथम स्मृतिदिन; कल्याण येथे अभिवादन सभेचे आयोजन*

*कालकथित सावित्रीबाई दामू सुरवाडे यांचा उद्या प्रथम स्मृतिदिन; कल्याण येथे अभिवादन सभेचे आयोजन* 

 *कल्याण:* 

बहुजन संग्राम संघटनेचे प्रदेशाध्यक्ष तथा वृत्तदर्शन मीडियाचे संपादक भीमराव निकम-चिलगावकर यांच्या भगिनी  कालकथित सावित्रीबाई दामू सुरवाडे यांचा प्रथम पुण्यस्मरण कार्यक्रम उद्या, रविवार दिनांक ८ मार्च २०२६ रोजी आयोजित करण्यात आला आहे.

हा कार्यक्रम दुपारी १२ वाजता लेक कॅन्सल बिल्डिंग (रूम नं. ७०४), बिर्ला कॉलेज जवळ, कल्याण (पश्चिम), जिल्हा ठाणे येथे संपन्न होईल.

 *मेहनती आणि संघर्षमय जीवनप्रवास* 

सावित्रीबाई सुरवाडे यांचा जीवनप्रवास अत्यंत कष्टप्रद आणि प्रेरणादायी राहिला आहे. मूळच्या वाकडी येथील असलेल्या सावित्रीबाई पतीच्या निधनानंतर आपल्या तीन मुलांसह चिलगाव येथे माहेरी आल्या होत्या. त्यांचे काका रामा निकम (डॉ. बाबासाहेब आंबेडकर चळवळीचे खंदे समर्थक) यांच्या मार्गदर्शनाखाली आणि भीमराव निकम-चिलगावकर व त्यांच्या बंधूंच्या (सुखदेव व श्रावण निकम) सहकार्याने त्यांनी आपल्या मुलांचे संगोपन केले.

' *

सावित्रीबाई यांच्या निधनाला एक वर्ष पूर्ण होत असून उद्या त्यांचा प्रथम स्मृती दिन आहे. प्रतिकूल परिस्थितीत आपल्या मोठ्या बहिणीच्या कुटुंबाला सावरण्याचे आणि त्यांच्या तिन्ही मुलांना आयुष्यात स्थिरस्थावर करण्याचे मोलाचे कार्य भीमराव निकम चिलगावकर आणि त्यांच्या परिवाराने केले आहे. 

सावित्रीबाईंना संजय, विजय आणि सुनील ही तीन मुले आहेत. पतीच्या पश्चात या मुलांचे संगोपन आणि भविष्याचा प्रश्न गंभीर असताना, त्यांचे भाऊ भीमराव निकम चिलगावकर, सुखदेव आणि श्रावण या तिन्ही मामांनी कौतुकास्पद पुढाकार घेतला. केवळ आर्थिक मदतच नव्हे, तर मुलांचे शिक्षण, उदरनिर्वाह आणि त्यांच्या नोकरीची सर्वस्व जबाबदारी या तिन्ही बंधूंनी तन-मन-धनाने स्वीकारली.

आज सावित्रीबाईंची तिन्ही मुले समाजात मानाने जगत असून, त्यांची पुढची पिढी (मुले-मुली) राज्यात आणि परराज्यात उच्च शिक्षण घेत आहेत. सावित्रीबाईंच्या संपूर्ण कुटुंबाला घडविण्याचे आणि त्यांना समाजात एक नवी ओळख मिळवून देण्याचे संपूर्ण श्रेय भीमराव निकम चिलगावकर यांच्या परिवाराला जाते. एका भावाने आपल्या बहिणीच्या कुटुंबासाठी काय करावे, याचा हा एक जिवंत आदर्श मानला जात आहे.

उद्या सावित्रीबाईंचा प्रथम स्मृती दिन असून, या निमित्ताने भीमराव निकम चिलगावकर परिवारातर्फे आपल्या लाडक्या थोरल्या बहिणीला भावपूर्ण आदरांजली अर्पण करण्यात आली आहे. *भावपूर्ण आदरांजली* 

सावित्रीबाईंचा स्वभाव अत्यंत मायाळू आणि कष्टाळू होता. निकम परिवाराने त्यांना सख्या बहिणीप्रमाणे मान देऊन शेवटपर्यंत नाते जपले. उद्या होणाऱ्या या प्रथम स्मृती दिनानिमित्त भीमराव निकम-चिलगावकर परिवारातर्फे त्यांना भावपूर्ण आदरांजली अर्पण करण्यात येणार आहे.

या प्रसंगी उपस्थित राहण्याचे आवाहन भिमराव चिलगावकर तसेच संजय सुरवाडे, विजय सुरवाडे आणि सुनील सुर यांनी केले आहे