नासिक मध्ये उभ्या असलेल्या बसला लागली आग

*नासिक मध्ये उभ्या असलेल्या बसला लागली आग*   

                       

नाशिक: नाशिकमध्ये मोठी दुर्घटना टळली,,नाशिकच्या नांदगाव बसस्थानकात उभ्या असलेल्या बसने अचानक पेट घेतला.आगीने रौद्ररूप धारण केल्याने काही क्षणात बस पूर्णपणे जळून खाक झाली. बसमधील चालक - वाहकासह सर्व प्रवासी हे खाली उतरलेले असल्याने मोठा अनर्थ टळला.

शॉर्ट सर्किटमुळे आग लागल्याचा प्राथमिक अंदाज व्यक्त केला जात आहे. 

नाशिकच्या नांदगाव बस स्थानकात हा प्रकार घडला. बस मधून धूर येत होता. यामुळे वाहक आणि चालकाने सर्व प्रवाशांना बसमधून खाली उतरवले. आजूबाजूला उभ्या असलेल्या बस प्रसंगावधान राखत सुरक्षित स्थळी हलविण्यात आल्या. तसेच प्रवाशांना तात्काळ बाजूला हलविण्यात आल्याने इतर नुकसान टळले.

दरम्यान, बसला आग लागली तेव्हा आग थोड्या प्रमाणात होती मात्र आगीवर नियंत्रण मिळविण्याची साधनसामुग्री वेळेत उपलब्ध न झाल्याने बस पूर्णतः जळून खाक झाली. बॅटरीच्या शॉर्ट सर्किट झाल्याने बस पेटली असावी असा अंदाज व्यक्त करण्यात आला आहे.