कॅडेट धैर्य नाईकची ‘गिनीज वर्ल्ड रेकॉर्ड’मध्ये नोंद; राष्ट्रीय कराटे स्पर्धेत पटकावले सुवर्णपदकभारतीय सैनिकी विद्यालयात धैर्य नाईकचा भव्य सत्कार

कॅडेट धैर्य नाईकची ‘गिनीज वर्ल्ड रेकॉर्ड’मध्ये नोंद; राष्ट्रीय कराटे स्पर्धेत पटकावले सुवर्णपदक

भारतीय सैनिकी विद्यालयात धैर्य नाईकचा भव्य सत्कार

खडवली (विशेष प्रतिनिधी):

भारतीय सैनिकी विद्यालय व कनिष्ठ महाविद्यालय, खडवली येथील कॅडेट धैर्य नाईक याने कराटे क्षेत्रात अद्भूत कामगिरी करत शाळेच्या शिरपेचात मानाचा तुरा रोवला आहे. २६ एप्रिल २०२६ रोजी पार पडलेल्या 'लार्जेस्ट कराटे डिस्प्ले' (Largest Karate Display) या उपक्रमात यशस्वी सहभाग नोंदवत धैर्यने ‘गिनीज वर्ल्ड रेकॉर्ड’ (Guinness World Record) मध्ये आपले नाव कोरले आहे.

या जागतिक विक्रमानंतरही आपल्या यशाची मालिका कायम राखत धैर्यने जयपूर येथे आयोजित प्रतिष्ठित 'महाराणा प्रताप नॅशनल कराटे चॅम्पियनशिप'मध्ये ५० किलो वजनगटात सुवर्णपदक पटकावले. जागतिक विक्रम आणि राष्ट्रीय स्तरावरील सुवर्णपदक अशा दुहेरी यशामुळे त्याच्या जिद्दीचे व क्रीडाकौशल्याचे सर्वत्र कौतुक होत आहे.

निवासी सैनिक शाळेतील शिस्तबद्ध वातावरण, नियमित सराव आणि कठोर परिश्रमाच्या जोरावर धैर्यने हे यश संपादन केले. त्याच्या या यशात त्याचे प्रशिक्षक, पालक, शिक्षक, मुख्याध्यापक, कमांडंट, शालेय समिती अध्यक्षा राजेश्वरी शिंदे आणि संस्थेचे अध्यक्ष मा. अप्पासाहेब शिंदे यांच्या मार्गदर्शनाचा मोलाचा वाटा राहिला आहे.

स्वातंत्र्यदिनी विशेष सत्कार:

धैर्यच्या या उल्लेखनीय कामगिरीची दखल घेत १५ ऑगस्ट २०२६ (स्वातंत्र्यदिनी) शाळेच्या प्रांगणात त्याचा विशेष सत्कार करण्यात आला. संस्थेचे अध्यक्ष मा. आप्पासाहेब शिंदे, शालेय समिती अध्यक्षा आदरणीय राजेश्वरी शिंदे, कमांडंट आदरणीय शंकर यादव आणि मुख्याध्यापक आदरणीय महेश भावसार यांच्या हस्ते धैर्यचा सन्मानपूर्वक सत्कार करून त्याला पुढील वाटचालीसाठी शुभेच्छा देण्यात आल्या. या प्रसंगी शिक्षकवृंद, कर्मचारी आणि विद्यार्थ्यांनी धैर्यच्या यशाबद्दल आनंद व्यक्त केला.

(टीप: शैक्षणिक गुणवत्ता, क्रीडा आणि व्यक्तिमत्त्व विकासाचा उत्तम समन्वय साधणाऱ्या 'भारतीय सैनिकी विद्यालय व कनिष्ठ महाविद्यालय, खडवली, ता. कल्याण, जि. ठाणे' येथे नवीन प्रवेशासाठी इच्छुक पालकांनी शाळेशी संपर्क साधावा.)