बळीराजाच्या मदतीसाठी उल्हासनगर (पूर्व) युवासेनेचा पुढाकार: ५० हजारांची मदत सुपूर्द

बळीराजाच्या मदतीसाठी उल्हासनगर (पूर्व) युवासेनेचा पुढाकार: ५० हजारांची मदत सुपूर्द

उल्हासनगर:

महाराष्ट्रातील बळीराजावर ओढवलेल्या दुष्काळाच्या संकटात आधार देण्यासाठी उल्हासनगर (पूर्व) युवासेनेच्या वतीने मदतीचा हात पुढे करण्यात आला आहे. कल्याण लोकसभा मतदारसंघाचे खासदार तथा शिवसेनेचे नेते डॉ. श्रीकांत शिंदे यांच्या नेतृत्वाखाली हा उपक्रम राबवण्यात आला असून, दुष्काळग्रस्त शेतकऱ्यांच्या मदतीसाठी ५०,००० रुपयांचा धनादेश खासदार श्रीकांत शिंदे यांच्याकडे अधिकृतपणे सुपूर्द करण्यात आला.

शेतकऱ्यांप्रती सामाजिक बांधिलकी जपत कठीण प्रसंगात त्यांना धीर देण्याचा या उपक्रमामागील मुख्य उद्देश होता. संकटाच्या काळात बळीराजाच्या पाठीशी खंबीरपणे उभे राहणे हीच खरी सामाजिक बांधिलकी असल्याची भावना यावेळी पदाधिकाऱ्यांनी व्यक्त केली.

या महत्त्वपूर्ण कार्यक्रमास युवासेना कल्याण लोकसभा जिल्हाध्यक्ष जितेन पाटील, उपजिल्हाध्यक्ष युवराज पाटील, उपशहर अध्यक्ष सिद्धांत रमेश चव्हाण, शेखर भीमराव सपकाळे, युवासेना सचिव गौरव भानुशाली, चिटणीस प्रवीण करीरा, उपशहर अध्यक्ष अक्षय मांडुळकर, विभाग अध्यक्ष भावेश शेजुळे, उपविभाग अध्यक्ष भूषण पवार, शिवसेना शाखा अध्यक्ष रोहित जाधव, उपशाखा अध्यक्ष धीरज सोनावणे, बाबू ढोळई यांच्यासह अनेक शिवसैनिक व युवासैनिक उपस्थित होते.