३२वर्षाच्या यशस्वी सेवेनंतर एमआयडीसीचे उपअभियंता सुधीर कुंभार सेवानिवृत्त

अंबरनाथमधील अति. एमआयडीसी उपविभागात निरोप समारंभ संपन्न; मान्यवरांकडून कौतुकाचा वर्षाव

 *अंबरनाथ (प्रतिनिधी बाळकृष्ण आल्हाट):* 

महाराष्ट्र औद्योगिक विकास महामंडळाच्या (एमआयडीसी) अतिरिक्त अंबरनाथ उपविभागाचे उप अभियंता सुधीर कुंभार हे आपल्या ३२ वर्षांच्या प्रदीर्घ आणि निष्कलंक सेवेनंतर ३० मार्च रोजी सेवानिवृत्त झाले. त्यांच्या सेवापूर्तीनिमित्त ३० मार्च २०२६ रोजी अंबरनाथ येथील 'सुदामा हॉटेल, कृष्णा पॅलेस' येथे एका दिमाखदार सोहळ्याचे आयोजन करण्यात आले होते. अत्यंत भावूक आणि उत्साहपूर्ण वातावरणात पार पडलेल्या या कार्यक्रमात विविध क्षेत्रांतील मान्यवरांनी कुंभार यांच्या कार्यशैलीचा गौरव केला.

 *कर्तव्यतत्पर आणि अभ्यासू अधिकारी* 

सुधीर कुंभार यांनी आपल्या ३२ वर्षांच्या सेवाकाळात अनेक आव्हानात्मक प्रकल्प यशस्वीपणे पूर्ण केले. लोकप्रतिनिधी, उद्योजक, पत्रकार किंवा सामान्य कर्मचारी असो, प्रत्येकाचे प्रश्न स्मितहास्याने ऐकून घेऊन ते मार्गी लावण्याकडे त्यांचा कल असे. मितभाषी आणि साधे व्यक्तिमत्व असूनही कर्तव्यपालनात ते तितकेच कठोर होते. विभागातील कामकाजाची इत्यंभूत माहिती देणारे 'गुगल' आणि माहिती तंत्रज्ञानातील त्यांच्या ज्ञानामुळे त्यांना 'अघोषित पीएचडी' प्राप्त अधिकारी म्हणून ओळखले जाते.

 *मान्यवरांची उपस्थिती* 

हा सोहळा एमआयडीसी डोंबिवली मंडळाचे अधीक्षक अभियंता भूषण हर्षे यांच्या अध्यक्षतेखाली पार पडला. यावेळी व्यासपीठावर खालील मान्यवर उपस्थित होते:

श्री. बोधे: अधीक्षक अभियंता (विद्युत व यांत्रिकी मंडळ)

संजय ननावरे: कार्यकारी अभियंता (अंबरनाथ सिव्हिल)

आर. पी. पाटील: सेवानिवृत्त कार्यकारी अभियंता

श्री. उके: कार्यकारी अभियंता (बारवी विभाग)

सौ. स्वाती कुंभार: (सुधीर कुंभार यांच्या पत्नी) व लेखाधिकारी.

याप्रसंगी बोलताना भूषण हर्षे यांनी सांगितले की, "कुंभार यांच्या सेवानिवृत्तीमुळे एमआयडीसीमध्ये एक मोठी पोकळी निर्माण झाली आहे. त्यांचा अनुभव आणि कामाप्रती असलेली निष्ठा सर्वांसाठी प्रेरणादायी आहे." कुंभार यांच्या यशात त्यांच्या पत्नी स्वाती कुंभार यांचा मोठा वाटा असल्याचेही यावेळी नमूद करण्यात आले.

 *आठवणींना उजाळा* 

या कार्यक्रमात अंबरनाथ एमआयडीसी असोसिएशनचे अध्यक्ष तायडे, माजी नगरसेवक सुभाष साळुंखे, माजी कार्यकारी अभियंता भगत, उपमुख्यलेखाधिकारी जाधव, कार्यकारी अभियंता अनासने, उप अभियंता धामापूरकर, तसेच सुधीर कुंभार यांचे बंधू अनिल कुंभार यांनी जुन्या आठवणींना उजाळा दिला.

तसेच, बहुजन संग्राम संघटनेचे प्रदेशाध्यक्ष व वृत्तदर्शन मीडियाचे संपादक भीमराव निकम-चिलगावकर, ठाणे जिल्हाध्यक्ष सचिन गायकवाड, रमेश कांबळे, उप अभियंता ए. ए. साळुंखे, आर. एस. शिंदे, श्री. आल्हाट, श्री. दरेकर यांच्यासह मोठ्या संख्येने अधिकारी, कर्मचारी आणि उद्योजक उपस्थित होते.

 *कौटुंबिक आणि पुढील वाटचाल* 

सुधीर कुंभार हे कुटुंबात सर्वात लहान असूनही त्यांच्या सल्ल्याशिवाय कोणतीही महत्त्वाची कामे मार्गी लागत नाहीत, असा गौरवपूर्ण उल्लेख यावेळी झाला. सुधीर कुंभार यांना दोन मुलीच असून त्या दोघीही उच्यविद्याविभूषित आहेत. मुख्य अभियंता प्रकाश चव्हाण यांचा 'उजवा हात' म्हणून ओळखल्या जाणाऱ्या कुंभार यांच्या पुढील वाटचालीस सर्व उपस्थितांनी शुभेच्छा दिल्या.

कार्यक्रमाचे बहारदार सूत्रसंचालन कुंभार यांचे वर्गमित्र श्री. कदम यांनी केले. अखेर सुधीर कुंभार यांनी आपल्या मनोगतातून ३२ वर्षांच्या प्रवासात साथ देणाऱ्या सर्वांचे आभार मानले.