उल्हासनगर मध्ये जिल्हास्तरीय रग्बी स्पर्धा संपन्न ,
उल्हासनगर मध्ये जिल्हास्तरीय रग्बी स्पर्धा संपन्न ,
उल्हासनगर - ठाणे जिल्हा सब ज्युनिअर - १४ वर्षाखालील मुलं व मुली रग्बी जिल्हा अजिंक्यपद व निवडचाचणी स्पर्धा
20 नोव्हेंबर २०२२ रोजी बी. के बिर्ला महाविद्यालय कल्याण व ठाणे जिल्हा रग्बी असोसिएशन च्या संयुक्तविद्यमाने ठाणे जिल्हा सब ज्युनिअर अजिंक्यपद व निवड चाचणी स्पर्धेचे आयोजन सेंच्युरी स्पोर्टस ग्राऊंड येथे करण्यात आले होते. मुलांच्या गटात सेंच्युरी रेयॉन हायस्कूल,शहाड विजेता,सेंट अँथनी हायस्कूल ,बदलापूर उपविजेता व होली फेथ हायस्कूल, कल्याण तृतीय ठरला.
ह्यास्पर्धेतुन ठाणे जिल्ह्याचा १४वर्षाखालील मुला ,मुलींचा २० जणांचा संभाव्य संघ निवडण्यात आला. ह्या निवड करण्यात आलेल्या खेळाडूंचे सराव शिबिर दिनांक २१ नोव्हेंबर ते २५ नोव्हेंबर २०२२ ह्या कालावधीत सेंच्युरी रेयॉन हायस्कूल येथे आयोजित करण्यात आले आहे. नेरळ,जिल्हा-रायगड येथे होणाऱ्या सब ज्युनिअर राज्य अजिंक्यपद रग्बी स्पर्धेत सहभागी होणार आहे.
स्पर्धेचे उद्घाटन बी.के.बिर्ला महाविद्यालयाचे प्राध्यापक डॉ. के.डी बराटे व डॉ. क्षीरसागर ह्यांच्या हस्ते करण्यात आले.स्पर्धेचा बक्षीस समारंभ जे.सी.एस हायस्कूल चे मुख्याध्यापक श्री.गणेश कोळेकर सर व बी.के.बिर्ला महाविद्यालय कल्याण चे प्रा. यज्ञेश्वर बागराव सर ह्याच्या हस्ते करण्यात आला, स्पर्धा प्रमुख म्हणून सुभाष कोंढारी सर ह्यांनी काम पाहिले. ठाणे जिल्हा रग्बी असोसिएशनचे सचिव प्रमोद पारसी सर ह्यांनी सर्व मान्यवर व खेळाडू ह्यांचे आभार मानले. अशी माहिती मितेश जैन यांनी दिली
बातमी आणि जाहिराती प्रसिद्ध करण्यासाठी संपर्क साधा
टिप्पण्या
टिप्पणी पोस्ट करा
धन्यवाद